இசை ஆல்பம் மூலம் இயக்குனரான நடிகர் ஷாம்! அம்ரீஷ் இசையில் கிச்சா சுதீப் குரலில் “வரும் வெற்றி” பாடல்!!

தமிழ் சினிமாவில் கடந்த 25 வருடங்களாக தனக்கென ஒரு நிலையான இடத்தை தக்கவைத்து பயணித்து வருபவர் நடிகர் ஷாம். தற்போது முதன் முறையாக ஆல்பம் தயாரிப்பில் இறங்கி, ‘வரும் வெற்றி’ என்கிற இசை ஆல்பத்தை இயக்கியுள்ளதன் மூலம் ஒரு இயக்குநராகவும் புதிய அவதாரம் எடுத்துள்ளார் ஷாம்.

SIR ஸ்டுடியோஸ் நிறுவனம் தயாரிப்பில் ஷாம் தயாரித்து இயக்கியுள்ள இந்த இசை ஆல்பத்தில், ஷாமுடன் நடிகை நிரா இணைந்து நடித்துள்ளார். அம்ரிஷ் இசையமைத்துள்ள இப்பாடலுக்கு ஸ்ரீதர் மாஸ்டர் நடனம் வடிவமைத்துள்ளார்.

கன்னட திரை உலகின் முன்னணி நட்சத்திரமான கிச்சா சுதீப் இப்பாடலை பாடியுள்ளார் என்பது தான் இந்த ஆல்பத்தின் இன்னொரு ஹைலைட்டான அம்சம்.

2002ல் ஷாம் மீரா ஜாஸ்மின் நடிப்பில் வெளிவந்த “பாலா” என்ற படத்தில் யுவன் சங்கர் ராஜா இசையில் “தீண்டி தீண்டி தீயை மூட்டுகிறாயே…” மற்றும் “என் கண்ணை பிடிங்கிக் கொள் பெண்ணே…” என்று இரண்டு பாடல்களுக்கும் ஷாம், மீரா ஜாஸ்மினுடன் இணைந்து அசத்தலாக நடனமாடி இருப்பார். இந்த ஸ்டைலான நடன கட்சி அப்போது பரபரப்பாக பேசப்பட்டது…. பாராட்டப்பட்டது. அதன் பிறகு ஏனோ ஷாமின் நடனத்திறமைக்கு ஏற்ற பாடல்கள் அமையவில்லை. அந்த குறையை இந்த ஆல்பம் போக்கும் என்று எதிர்பார்க்கலாம்.